Kusog ang impact sang pagkabunggo sang isa ka motorsiklo sa ginamaneho nga bisikleta sang isa ka babaye nga naga-obra dala ang bike sang pagkolekta sang basura sang JM Robredo St. Brgy San Isidro, Siyudad sang Koronadal sang Miyerkules sang aga, Mayo 23, 2025.
Ginkilala ang nagamaneho sang Motorsiklo nga Raider 150 amo si Daryl Guillemer, 21 yrs old, residente sang Benitez, bawna sang Banga samtang ang sa bisikleta naman si Ellen Mae Buga, 47 anyos, nagapangolekta sang basura nga taga barangay Zone III, Siyudad sang Koronadal.
Suno sa imbestigasyon sang Traffic Section sang Koronadal City Police Station, magkalainay ang direksyon sang duha ka salakyan. Ang motorsiklo nga ginamaneho ni Daryl kag ang bisikleta sang basurero nag-abotay sang paliko na kuntani si Ellen agud magkuha kuntani sang basura apang makusog ang dasig ang pagpadalagan sang Motorsiklo, nga nagtuga sang pagbunggo.
Bangud sa kusog nga impact, nagtumbling ang bisikleta kag pilason ang driver sini.
Gintala naman nga wala sang lisensya ang lalaki nga driver sang motorsiklo kag wala sang side mirror.
Padayon nga ginabulong ang basurero matapos mag-angkon sang pilas sa lawas.
Padayon pa ang imbestigasyon sang mga otoridad sa insidente.
