KORONADAL CITY- Nagbilin sang isa nga patay samtang 8 naman ang pilason sa nagluntad nga pagbungguanay sang isa ka topdown kag duag puti nga Toyota Hilux sa Prk.Mesias, Brgy. Paraiso syudad sang Koronadal.
Sa interbyu sang Bombo Radyo Koronadal kay Police Senior Master Sgt. James Gervacio, hepe sang Koronadal City Traffic, natumod ang napatay nga si Ronnie Echuna , 35 anyos nga residente sang Brgy. Tamnag, Lutayan, Sultan Kudarat nga isa sa mga sakay sang topdown samtang ang mga kaupdanan naman sini nga 8 ang pilason nga ginalakipan nanday:
1.) Reminito Pardoncillo, 26 anyos- driver, Brgy. San Miguel Norala SoCot
2.) Jenalyn Echona, 47 anyos, San Miguel Norala SoCot
3.) Jenny Diego, 25 anyos, Surallah. SoCot
4.) Lucina Echona, 75 anyos, Surallah SoCot
5.) Dexter Rey Pradlas, 18 anyos, Surallah SoCot
6.) Jerson Elarmo, 16 anyos, Surallah SoCot
7.) Keven Klent Diego, 5 anyos, Surallah, SoCot
8.) Kent Ian Oaro, 6 anyos, Surallah SoCot
Sa impormasyon sang Koronadal City Traffic, padulong sa Upper Valley ang mga nakasakay sa topdown agud nga ipabulong kun tani si Ronnie Echona bangud sa iya balatian apang bangud sa overloaded ang Topdown naglupok ang tire sa atubangan nga bahin nga nagresulta sa pagdiretso sang Topdown sa pihak nga lane kun sa diin ila nasugata ang Hilux nga nagresulta sa pagbunggu-anay sang mga salakyan.
Dead on the Spot si Echuna samtang ang iban pa nga pilason ang padayon pa nga ginabulong.
Samtang sa Hilux naman luwas ang mga sakay sini lakip na ang driver nga si Ennis Chris Bayaras Yap, 24 anyos, Brgy. Bambad, Isulan Sultan Kudarat.
Sa karon padayon pa ang imbestigasyon sang Koronadal City Traffic Section sa nasambit nga aksidente.
