KORONADAL CITY- Nagpanawagan sa subong ang Director sang NDMU Marist Hope Center for Justice and Good Governance sa sa katapo sang Sangguniang panlalawigan nga dapat indi anay pag-esubmiter sa talatapan sang Gobernador sang South Cotabato ang na desisyunan sang SP kag sa baylo tun-an gid anay kag e-review agud nga konsidera man ang singgitan sang mga naga pamalabag sa pag pasilabot sang SP sa EnviCode Probinsya.
Sa interview sang Bombo Radyo Koronadal kay Atty. Noel Ben,Director sang NDMU Marist Hope Center for Justice and Good Governance ginpahayag sini nga luyag niya nga makalab-ot ang iya nga mga mensahe kay BM Grace Achurra nga naga salo subong sang mga pagpakamalaut bangud sa suno pa inid ma klaro nga pahayag sini sa iya nga post sa iya sang FaceBook Account sa diin makita suno pa nga anti-mining siya apang nagboto man siya sang pag-ugyon sa pagligwat sang ban sa open pit mining.
Ang nasambit ng post ang deleted naman kag wala na sa social media apang naka hawid naman ang pila ka mga netizen sang screenshot sini.
Suno pa sa abogado, kun mahimo, indi anay pag e-transmit ang desisyon sang SP sa kay Governor Reynald Tamayo Jr kag sa baylo, e-lakip sa agenda sang SP sa palaabuton nga lunes May 23 2022.
Sa sini nga pamaagi, madiskusyonan pa sang SP ang tanan nga kinahanglan bangud basi may ara pa sang pagbag-o sa dalagan sang botohanay sang mga miyembro para sa katawhan sang South Cotabato.
