Kabahin sang panawagan sang Diocese of Marbel ang transparency kag accountability, nga bag-o lang ginpasang-at paagi sa Obispo sa kaso sa Supreme Court batok sa Department of Environment and Natural Resources.
Sa exclusive nga interview sang Bombo Radyo Koronadal, kay Father Angel Buenavidez, Vicar General sang Diocese of Marbel, ginapanamuyo sini nga maghatag sang pabor ang supreme court para sa freedom of information, sa diin kinahanglan nga public document ukon mabal-an ang tanan kag wala sang ginatago labi na ang mga importante nga impormasyon parte sa mga kabukiran kag mining companies nga nagapang-guba sa kina-iyahan.
Ginpahayag man niya ang epekto sang kultura sang korapsyon, nga nagatugot nga nakalusot ang mining bisan sa mga protected kag watershed areas.
Ginsiling pa ni Fr. Buenavidez nga ang korapsyon indi lang sa kwarta kundi pati sa paghuna-huna, ideya, kag kultura.
