KORONADAL CITY – Nagpatigayon na sang fact-finding investigation ang Department of Interior and Local Government (DILG) kaangot sa isyu sang pagbahin-bahin suno pa sang special amelioration program (SAP) financial assistance sa isa ka barangay sa siyudad sang Koronadal.
Ini makaligad nag-abot sa ila ihibalo ang nasambit nga isyu sang ginbuyagyag sang pila ka reklamante sa Brgy. General Paulino Santos nga nakabaton suno pa sang P2,500 nga balor sang ayuda sa baylo nga P5,000.
Una nga nagpaandam si DILG Sec. Eduardo Año nga may nagakaigo nga silot para sa sin-oman nga mga barangay ukon LGU officials nga magapangurakot sang kwarta halin sa kaban sang pungsod.
Madumdoman nga nagdepensa si Brgy. GPS kapitan Margarita Subaldo halin sa nasambit nga akusasyon kag nakahanda suno pa ini nga atubangon ang anuman nga reklamo angot sa nasambit nga isyu.
