Nanindugan ang Department of Foreign Affairs (DFA) nga padayon nila nga ipabilin ang malig-on kag propesyonal nga paagi sa pagdumala sang mga isyu sa West Philippine Sea kag indi magpaapekto sa mga pagpakamalaot ukon mga online nga komentaryo.
Ginpahayag ni DFA spokesperson for maritime affairs Rogelio Villanueva Jr. nga magapadayon ang mga diplomat sang Pilipinas sa pag-engage sa ila mga counterpart sa malig–on kag propesyonal nga paagi nga may kasubong nga respeto.
IIgapadayon man sang DFA ang pagpatuman sang direktiba sang Presidente bilang chief architect sang foreign policy sang Pilipinas.
Suno pa kay Villanueva, indi nila tugutan nga malikaw sila bangud sa iya ginlaragway nga pangutya halin sa “casual commentators, non-practitioners kag self-styled experts.”
Ginpasiguro man niya nga ang diplomasiya magapabilin nga nagapanguna nga instrumento sa pagsiguro sang mga estratehiko nga prayoridad sa maritime domain.
