NORALA, SOUTH COTABATO – Pormal nga naghingyo sang pasaylo ang talatapan sang Department of Foreign Affairs sa mga pamilya kag mga himata ni Jeanelyn Villavende angot sa nangin aksyon sang isa nila ka empleyado sa pagbaton sang blood money sadtong ginapatigayon ang misa sa lubong sang OFW sa banwa sang Norala, South Cotabato.
Ini makaligad nga nagpalapit ang isa ka babaye nga nagpakilala nga taga-DFA sa mga himata ni Villavende kag ginapapirma ang mga ini sang dokumento.
Sa interbyu sang Bombo Radyo Koronadal kay Nelly Padernal, tiya ni Jeanelyn, nakasaad sa nasambit nga dokumento ang special power of attorney para suno pa sa umano sa kaso sang napatay nga OFW.
Apang napunggan ini ni OWWA Administrator Hans Leo Cacdac matapos mahibaluan nga kabahin sang dokumento nga batunon nila ang tanyag nga blood money.
Una diri, gin-abisuhan sila sang OWWA nga indi sila magpirma sang anuman nga dokumento apisar pa sa gobyerno kun indi magikan sa OWWA.
Samtang, pagahulaton nila ang dugang nga mga balita gikan kay DOLE Sec. Silvestre Bello III sa tion nga magapadulong na ini sa Kuwait sa Enero 31 agud lantawon kun napreso gid man ang mga employers ni Jeanelyn .
Liwat man nila nga ginasinggitan nga indi nila pagbatunon ang masobra P59 milyon nga blood money nga ginatanyag sang mga amo ni Villavende bilang kompensasyon sa iya nga kamatayon.
