KORONADAL CITY- Nagapangasubo subong ang pamilya sang isa ka Radio Desk Jockey sang isa ka local FM station sa syudad sang Kidapawan makaligad nga gin utas ang kaugalingon sini nga kabuhi.
Ginkilala ang DJ nga si Ryan Ynion, nga mas kilala sa tawag nga DJ Nexus ukon DJ ‘Mikko Chiko’ sang Joy FM nga residente sang Antipas,North Cotabato.
Sa panalaysayon sang pamilya, gintawag pa ini sang iya amay agud nga magkape apang sang gintan-aw ang bata may yara na sang kalat sa liug sini kag nagadugo.
Nadala pa si Ynion sa balay bululngan apang gindeklarar nga dead on arrival.
Nahibaluan nga may yara sang ginabatyag nga balatian si Ynion kag posible suno pa nga nadugang sa depresyon sini ang sitwasyon sang iloy nga gindala sa Intensive Care Unit bangud sa hypertension.
