KORONADAL CITY-Ginpaathag sa subong sang talatapan sang Mines and Geosciences Bureau Region XII (MGB-12) nga posible bangud sa deposito sang coal sa idalom sang duta ang kabangdanan sang pagtuhaw sang mga dalagku-an kag malagba nga Tension Cracks sa bahin sang Kiantay Elementary School sa Barangay Upper Sepaka, Surallah South Cotabato.
Ini ang nangin paathag ni Mr. Jilvert Mondido, Senior Geologist -MGB-12. Suno sa iya, bangud sa deposito sang coal sa idalom sang layer sang duta, mahimo nga maghulag gid ini sa tion sang tig-ululan bangud sa tion nga magsulod ang tubig sa layer sang coal mahimo nga maghulag ang lupa kag mag crack.
Dugang pa sini, may ara man sang epekto sa pagtuhaw sang tension cracks ang topography sang Barangay Upper Sepaka, Surallah South Cotabato bangud sa slope sang area nga makapekto sa kabug-aton sang duta kag kabangdanan man sang pag dagus-os sang lupa.
Una na nga nagahiwat sang Rapid Damage Assessment and Needs Analysis(RDNA) ang MDRRMO-Surallah upod man ang Engineering Office kag natukiban nga unsafe for inhibitation ang nasambit nga area sa diin nakasulod ang parte sang Kiantay Elementary School kag posible nga ma-relocate sa luwas nga lugar agud nga mangin sekyar man ang mga kabataan nga naga to-un sa nasambit nga buluthuan.
