KORONADAL CITY -Nagpadayon sa subong ang imbestigasyon sang Tacurong CPS sa nag luntad nga pagpangluthang sa isa ka DEpEd Suoervisor kaupod na ang asawa sini sa bahin sang Purok Katilingban,Barangay San Pablo,Tacurong City,Sultan Kudarat alas-6:25 kagab-i.
Suno kay Police Lt. Col. Joan Maganto, hepe sang Tacurong PNP, patay sa pagpangluthang ang biktima nga si Javier Kumandi Sr. 55 anyos, Pandag DepEd District Supervisor samtang pilason naman ang misis sini si Jeannie Kumandi 52 anyos nga mga lunsay residente sa amu nga lugar.
Sa inisyal nga imbestigasyon nga ginhiwat sang mga otoridad , ginamaneho sang biktima ang isa ka unit sang Toyota Innova wagon, duag, itom, nga may plate # AGA 5857 samtang papuli na sang gintambangan ang mga ini sang wala pa nakilal-an nga mga suspek kag ginpaulanan ang mga ini sang bala.
Dalayon naman nga gindangat sa pinakamalapit nga balay-bululngan ang biktima apang gindeklarar ang DepEd Supervisor nga Dead-on-Arrival.
Nagapadayon naman ang imbestigasyon sang mga otoridad sa motibo sang krimen kag ang identidad sang mga suspek.
