DepED supervisor patay sa pagpangluthang sa North Cotabato

KORONADAL CITY – Nagapadyon ang imbestigasyon sang mga otoridad sa pagpangluthang-patay sa isa ka supervisor sang DepED-North Cotabato.

Ginkilala ang biktima nga si Bernard Viloan, Southwest District Supervisor sang Department of Education (DepED-North Cotabato).

Suno kay Police Supt. Bernard Tayong, tigpamaba sang Cotabato Police Provincial Office, gikan sa Barangay Baliki kag padulong na kuntani sa sentro sang Midsayap sang ginluthang sang riding ini tandem sa Prk 3 Barangay Rangaban sa nasambit nga banwa.

Gilayon nga nagpalagyo ang mga suspek matapos ang ginhimo nga krimen.

Gindapa pa sa hospital ang biktma apang ginbawian man sang kabuhi.

Hugot naman nga ginkundenar sang DepED ang hitabo.