KORONADAL CITY – Ginkasubo sang DepEd Division ang balita may kaangtanan sa pagreklamo sang mga ginikanan kag mga estudyante sa isa ka manunudlo nga kung sa diin madamo sang alegasyon ang ginhaboy batok sa sini nga mga maestra.
Sa interbyu sang Bombo Radyo Koronadal kay Ms. Theresa Hallegado, Information Officer DepEd So.Cot Division, ginpahayag niya nga wala pa man ini nakalab ot sa ila nga talatapan apang bukas ang ila nga talatapan nga maasikaso ang ini nga issue para naman sa pangalan sang ahensya kag para man sa reputasyon sang manunudlo kag mga estudyante.
Lunsay mga alegasyon pa man lang ini, apang kung ano man ang matuod nga istorya, nagkaangay nga mag agi pa ini sa insakto nga proseso sandig naman sa polisa sang Department of Education.
Sa karon, bukas ang talatapan sang DepEd para masolusyunan ini kay basi isa lamang ka misunderstanding ang natabo sa tunga sang manunudlo kag estudyante.
