Target subong sang Department of Education nga magbukas sang labaw sa 65,000 nga mga bag-o nga teaching kag non-teaching positions sa mga public schools subong nga tuig.
Suno kay Education Secretary Sonny Angara, ini tungod sa ginlaan nga ₱15.4 bilyon nga pondo para sa paghimo sang 65,184 nga mga bag-o nga posisyon para sa mga manunudlo.
Ang dako nga alokasyon nga ini nagatuyo nga matugunan ang padayon nga kakulangan sang mga magtutudlo kag mga kawani sa sektor sang edukasyon.
Partikular nga tututukan sini ang mga lugar nga may siksikan o mataas nga numero sang mga estudyante sa tagsa ka classroom.
Luwas pa sini, ang target man sini nga mapabaskog ang serbisyo pang-edukasyon sa mga lugar nga kulang sang amo nga klase sang programa kag suporta.
Gin dugang pa sang tiglikom nga may yara sang igo nga kadamuon sang mga indibidwal nga nakapasar sa Licensure Examination for Teachers (LET), o mga LET passers, nga magapuno sang tanan nga mga bag-o nga posisyon nga mabuksan sa mga public schools sa bilog nga pungsod.
