Magapatigayon sang maidid nga imbestigasyon sang Schools Division of Davao de Oro sa kamatayon sang isa ka manunudlo nga gin-akigan suno pa sang principal sang Tibagon Elementary School agud mahibaluan ang matuod nga natabo.
Ini makaligad nga naguwa ang impormasyon angot sa aligasyon nga napatay ang manunudlo nga si Marjorie Espinosa Llanto-Boldo, sang nasambit nga buluthuan sang Setyembre19, 2024.
Gipasalig man sang DepEd Davao de Oro sa publiko nga hibaluon ang kamatuoran agaud makahimo sang nagakaigo nga tikang.
Nagpalab-ot man sang kasubo kag pagpangamuyo ang DepEd sa pamilya sang napatay nga manunudlo.
Madumduman nga sa ginpost sang hinablos sang biktima nga screenshots halin sa groupchat sang nasambit nga manunudlo kag mga ginikanan sang mga estudyante sini, naakigan si Teacher Marjorie sang principal matapos nga nagdiritso ang ginikanan sang isa ka estudyante sini nga napilasan matapos nga mabungo sa bangko samtang nagasaot sa sulod sang classroom.
Nagdugo suno pa ang ulo sang nasambit nga estudyante bangud sa aksidente nga pagkabunggo sini.
Nagpalab-ot sang mensahe kag hinanakit sa ila nga group chat matapos nga sabunon suno pa sang akig sang principal bangud sa natabo.
Ginkwestiyon man ang iya nga pagka-maestra bangud suno sa iya sa sulod sang 30 ka tuig nga pagtudlo sini subong lamang siya naakigan sang husto sang principal nga lubos sini nga ginbatyag bangud sa nainsulto kag nasakitan ini.
Sumala pa sa naasoy nga maestra, nga gikwestyon matod pa ang iyahang pagkamaestra, diin karun lamang sumala pa kini niyang nasinatian sulod sa kapin 30 na katuig niyang nahimong magtutudlo.
Sa karon, ginhaya na ang nasambit nga manunudlo kag nagahingyo sang hustisya ang pamilya sini sa natabo bangud nagapati sila nga na-stress ini kag gindibdib sini ang pag-akig sa iya rason nga napatay ini.
Nag-angkon man sang nagkalain-lain nga reaksiyon ang netizen angot sa nangin post sang hinablos sang napatay.
