DepEd 12 nagpangayo pasensya sa late announcement sang class cancellation

KORONADAL CITY-Nagpangayo sang pasensya ang Department of Education Regional Office 12 sa alanganin na nga pag anunsyar sang cancellation of classes subong nga adlaw sang Martes, Oktubre 17.

Sa interbyu sang Bombo Radyo Koronadal kay Dep Ed 12 Spokesman Antonio Maganto Jr., ginpahayag sini nga ila ginapangayo ang paghangop matapos nga gab e na kagab-e sang gin anunsyar man sang Malacañang ang cancellation of classes kag trabaho sa tanan nga pampubliko nga buluthuan kag talatapan.

Suno kay Maganto, alas 12 na kagab e sang ila nga nabaton ang impormasyon gikan sa office of the president rason nga kaina lamang sang kaagahon sang ila na anunsyar nga wala sang klase subong nga adlaw.