KORONADAL CITY- Ginpahayag sang Department of Education region 12 nga wala pa sang pormal nga memorandum halin sa central office sang DepEd nga pagpaidalom sa mga estudyante nga yara sa elementarya sa mandatory drug testing sang Philippine Drug Enforcement Agency o PDEA.
Ini ang ginpahayag ni DepED-12 Information Officer Anton Maganto Jr. sa interbyu sang Bombo Radyo Koronadal kun sa diin suno kay Maganto, nagahulat na lamang sila sang mandato halin sa DepEd agud ipatuman ini.
Samtang sa tion nga magwa ang mandato, wala sila sang mahimo kundi ipatuman ini apisar posible nga may epekto ini sa mga kabataan.
Nahibaluan nga madamo sang nagakadapat nga ikosiderar sa bag-o ipaidalum ang mga kabataan sa drug testing kag dapat mapahangop sa ila sang maayo kun nga-a sila ipaidalum dire.
