KORONADAL CITY – Ginpahayag ni DepEd 12 Spokesperson Antonio Maganto Jr. nga wala sang dapat kabalak-an ang mga ginhikanan sang mga atleta sa nagapadayon nga Palarong Pambansa 2018 sa bahin sang Vigan, Ilocos Sur.
Sa interbyu sang Bombo Radyo Koronadal kay Maganto, may yara sang medical team nga amuh ang nagatutok sa mga atleta agud nga indi mabutang sa ital-ital ang ila mga health conditions.
Madumduman nga kalakip sa mga ginakabalak-an amuh ang tuman ka init nga paniempo kun sa diin yara sa 30 degrees celsius tubtob 32 degrees celsius ang kainiton.
Samtang, ginahibalo pa sang DepEd 12 ang impormasyon nga pila sa mga atleta sang rehiyon 12 ang ginaganyat na sang iban nga buluthuan sa Luzon agud tanyagan sang scholarship kag iban pa nga mga benepisyo agud sa ila mag butho.
Apang ginapangabay man sini nga wala sang pagpamirata sang mga atleta ang iban nga rehiyon bangud ang mga atleta sang rehiyon ang ginpangabudlayan nga hanason.
Nahibaluan nga madamo na sang mga impormasyona ng naga gwa nga ginaganyat na kag ginatanyagan sang iban nga rehiyon ang mga atleta sang region 12 bilang preparasyon sa magasunod nga Palarong Pambansa 2018.
LOCAL MY-MY 04/20/2018
