Nangin host sa 25th Association of Tourism Officers in the Philippines (ATOP) National Convention adlaw sang Oktubre 10, 2024 kung sa diin nagtambong ang lain lain nga mga delegado sa iban man nga mga rehiyon kag sini nga adlaw igahatag ang awards for Pearl Awards 2024.
Kaupod man nga nakigtambong sa lain lain nga ahensya nga naghatag man sang ila mga mensahe para sa mga delegado ang si Atty. Karen Mae Baydo of TIEZA, Veronica Amboni- Head of the Cultural Heritage Section of the Program Management Division of NCCA, Dr. Paulo Rivera of AIM kag kaupod man si Senator Lito Lapid kag Coo Mark Lapid.
Ginathag man ni Major General Nafarrete ang topiko nga “Peace and Tourism” kag “Cultural Heritage and Tourism” naman kay Dr. Eric Zerudo sang NCCA para sa mga nag tambong nga mga delegado halin sa lain lain nga rehiyon.
Suno kay Department of Tourism Secretary Christina Garcia Frasco, subong nga tuig naka kuha sang lain lain nga awards ang Pilipinas kag nag taas ang growth rate tungod sa mga Regional Departments of Tourism sa Pilipinas.
Suno naman sa Pearl Awards 2024 nga Aktibidad, igahatag ang awards sa mga Department of Tourism sang lain lain nga mga rehiyon kalakip sini ang Best Tourism Souvenirs, Best Tourism Promotions (Brochure) kag lain pa nga mga awards kaangot sa larangan sang Turismo.
Sa subong, madinalag-on man nga gin dawat sang PLGU South Cotabato ang 2nd Runner up Best Tourism Souvenirs (Non-Food) Provincial Level.
Dugang sini, magahiwat man sang Department of Tourism Governors Night kung sa diin lain lain nga SOX Designer ang mag presentar sang ila nga mga disenyo gamit ang local products labi na ang Tnalak Cloth.
