-- ADVERTISEMENT --
Hugot nga ginamonitor sa karon sang Department of Health (DOH) Soccsksargen Region ang duha ka suspected cases sang Mpox sa Rehiyon Dose.
Ini ang ginkumpirmar ni DOH 12 RESU head Medical Officer IV, Dr. Dyan Zubelle Parayao.
Suno pa kay Parayao, ang mga suspected patients ang nakitaan sang mga sintomas sang Mpox nga lunsay mga taga-Cotabato Province.
Ang mga ini ang nakabatyag sang rashes, hilanat, body weakness kag pilas.
Dugang pa ni Parayao ang samples sang mga ini ang ginpaidalom na sa confirmatory test sang Research Institute for Tropical Medicine ukon RITM sa Metro Manila.
Kaangot sini, ginahingyo ni Parayao sa publiko nga mangin mahalong, vigilante kag magbantay batuk sa balatian nga Mpox.
