Gin-awhag ni Finance Secretary Frederick D. Go ang pamunuan sang Maharlika Investment Corp nga magplastar sang investment sa sektor sang enerhiya.
Nagapati si Secretary Go nga ang nasambit nga sahi sang pagpamuhunan may yara sang potensyal nga makakuha sang dako nga positibo nga epekto sa ekonomiya sang Pilipinas, partikularmente sa pagpanubo sang presyo sang kuryente kag pagpasangkad sang nagakalain-lain nga industriya nga nagakinahanglan sini.
Dugang pa ni Go, ang mas barato nga kuryente, mmagaserbi nga dako nga atraksyon para sa mga negosyante nga luyag mamuhunan sa lain-lain nga sektor sang ekonomiya, kasubong sang manufacturing, logistics, kag agricultural processing.
Gin-awhag man ni Secretary Go ang Maharlika Investment Corp. nga tan-awon kag tun-an ang mangin epekto sang ila mga pamuhunan sa mas madamo nga obra para sa mga Pilipino kag ang Gross Domestic Product (GDP).
