Ginpaguwa sang Department of Environment and Natural Resources (DENR) ang ila natapos nga draft sang National Flood Management Framework.
Ini ang isa ka komprehensibo nga polisiya nga tinutuyi buhinan ang mga halit nga dulot sang pagbaha sa bug-os nga pungsod.
Ang nasambit nga framework ang nakabase sa prinsipyo sang Integrated Water Resources Management (IWRM), nagahatag sang holistiko nga pagdumala sang mga tubig.
Suno kay DENR Secretary Raphael Lotilla, ang National Flood Management Framework ang nagaserbi nga giya sa pagkonekta sang nagkalain-lain nga proyekto kag programa nga ginpaatigayon sang nagkalain-lain nga ahensya sang gobyerno kag mga Local Government Units (LGUs).
Luwas diri, ginaduso man sini ang kombinasyon sang green infrastructure, kasubong sang mga parke kag wetlands, kag gray infrastructure, kasubong sang mga dike kag floodwalls.
