Nagpagwa sang 30 ka adlaw nga Joint Interim Stoppage Order sa Coal Mining sa El Dulog para sa madalum nga imbestigasyon.
Ini ang nangin pahayag ni Atty. Felix S. Alicer, Regional Executive Director sang Region 12, sa interview sang Bombo Radyo Koronadal, tinutuyo sang kamanduan nga ini ang pagsusi sang operasyon sang pagmina kag pagsiguro nga nasunod ang mga layi kag regulasyon sa palibot, labi na nga posible nga may kalabutan ini sa pagkatiphag sang highway.
Suno kay Alicer, isa sa ginatsek ang posible nga paglapas sang kumpanya sa ila Environmental Compliance Certificate (ECC).
Ginpahayag niya nga importante nga matumod kun may mga kondisyon sa ECC nga wala nasunod kag posible nakaapekto sa kahimtang sang lugar.
Samtang nagapadayon, padayon man ang assessment sang Department of Environment and Natural Resources (DENR) Region 12 para sa mas istrikto nga monitoring kag pagpatuman sang mga kinahanglanon nga tikang sa lugar.
