Magapasaka sang kaso ang DENR sa mga imbolbar nga Chinese Nationals sa illegal mining operation sa probinsiya sang Camarines Norte.
Suno kay Environment Secretary Ma. Antonia Yulo-Loyzaga, sang nagligad nga tuig kompleto ang mga permitting requirements para sa mining operations samtang subong nga tion, nag operate ini sa permitted area kag may presensiya sang foreign workers.
Ginkumpirma ini ni Yulo-Loyzaga sang Oktubre 13, 2024 nga may yara sang gin-aresto nga 11 ka chinese national nga nagaubra para sa illegal mining sa Paracale, isa ka lugar kung sa diin may yara sang small-scale gold mining.
Dugang sini, tourist visas lang ang dokumento kag wala legal working papers sang chinese workers para magapabilin diri sa pungsod Pilipinas.
Suno pa sa DENR, magapangayo ini sang bulig sa iban pa nga ahensiya kalakip na ang Department of Trade and Industry kag Department of Labor and Employment agud maaksyunan ang ipasaka nga kaso para sa mga wala nasunod nga mga balaod sang mga foreign workers.
