Padayon man ginamonitor sa karon ang dengue cases sa Siyudad sang Koronadal.
Ini ang ginkumpirma ni Mylene Seliote ang HEPO III sang Siyudad sang Koronadal sa interview sang Bombo Radyo Koronadal.
May ara kita sang 151 dengue cases nga napagkit sa bug-os koronadal humalin sang enero tubtob pebrero 8, 2025.
Ginpaathag man ni Seliote nga may yara sang stages ang dengue amo ang, dengue fever ang una nga symptoms, Dengue hemorrhagic fever kun hindi maayo ,kag dengue shock syndrome, amo ang kritikal nga kondisyon.
Kalabanan sa mga kaso diri sa Koronadal amo ang Stage 1: dengue fever.
Ang barangay nga may madamo nga kaso ang San Isidro, Sta. Cruz kag Sto. Nino kag ang pinakataas naman nga kaso sa edad nga 10-19 years old kag gasunod naman ang 0-9 years old.
Apang, iya gin siguro nga hindi lang pagululan ang rason sang kaso sang dengue kundi pati man ang water storage nga nakatambay nga hindi natabunan ukon na protektahan.
Dugang pa ni Seliote, ang dengue hindi lang nakadepende sa kadamuon sang lamok kundi ang pagiging carrier sang dengue virus.
May ara man sang barangay sanitary inspector kada isa ka barangay agud ma monitor ang mga amo sini nga butang ilabi na sa health risk and concerns sa isa ka barangay diri sa syiudad sang Koroandal.
