KORONADAL CITY- Indi suno pa matawag nga Political Prisoner si Sen. Leila De Lima makaligad ini maarestar kahapon bangud sa suno pa involvement sini sa drug proliferation sa New Bilibid Prison (NBP).
Ini ang paglantaw ni RTC Branch 24 Judge Lorenzo Balo sa interbyu sang Bombo Radyo Koronadal kun sa diin ginhatagan punto sini nga wala sang basehan nga pagpamulitika ang yara sa likod sang iya pag ka arestar kag tuman pa ka aga nga hambalon nga isa ini ka political prisoner sa idalum sang Duterte administration.
Dugang pa sini nga sa serye sang mga imbestigasyon sa mga kaso nga ginapangatubang sang senadora, kumpyansa sa gihapon ini nga wala sang dapat ikabalaka bangud magapangibabaw sa gihapon ang Rule of Law sa pungsod.
Madumduman nga gina insister kag ginakwestyon man sang kampo ni De Lima ang hurisdiksyon sang RTC sa pagkapot sang iya nga kaso kun sa diin ang tanan ang wala nag agi suno pa sa tama nga proseso
