Tanan kita makabtyag sang kapoy sa obra.
Apang nagahimo sa gihapon kita agud mahagan hagan ang kakapoy.
Naarestar sa St. Charles, Illinois ang 23-anyos nga daycare teacher nga si Yizel J. J matapos nga gin-administer niya ang chewable laxatives sa mga kabataan sa iya pag-atipan.
Ginahimo niya ini agud mapas home ang mga bata nga may diarrhea kag mapahapos ang iya trabaho sa daycare.
Suno sa pulisya, madamo nga ginikanan ang nagtawag sa estasyon kag nagareklamo nga ginpakaon sang ila mga bata ang laxatives nga daw candy lang ang porma.
Ang mga apektado nga kabataan yara sa edad nga 2 anyos ukon mas bata pa.
Isa ka ginikanan nagpahayag nga dugay na niya ginpangita ang rason sang problema sa tiyan sang iya bata kag bisan nagbaylo sang formula kag nagbisita sa madamo nga doktor, wala gihapon sang klaro nga solusyon.
Ginreport sang pulisya nga ginpakahuy-an ni Yizel ang mga kabataan sa iya pag-atipan para lang mapahalin sila sa daycare, bangud nga nabatyagan niya nga mabudlay ang trabaho.
Ginpahamtangan siya sang kaso nga attempted aggravated battery kag endangering the life or health of a child.
Sa karon, temporaryo nga gin-release ang manunudlo samtang nagahulat sang iya court date, kag padayon nga ginatutukan sang awtoridad ang kaso.
