-- ADVERTISEMENT --
KORONADAL CITY-Gintuldukan na ni Davao City Mayor kag Presidential Daughter Mayor Inday Sara Duterte-Carpio ang ispekulasyon nga magpapili ini sa mas mataas nga posisyon kun madayon ang 2019 elections.
Sa interbyu sang Bombo Radyo Koronadal kay Mayor Inday, nginpahayag sini nga wala siya sang plano nga magpapili sa pagka senador bangud kuntento na suno pa ini sa paghatag sang serbisyo sa mga taga Davao.
Ginpahayag man sini nga ini na ang ulihi sini nga termino bilang alkalde sang Davao kag ginakonsiderar man suno pa sini ang pagpapili sa iban nga local position sa ila probinsya apang indi na sa National positions.
Kahapon, si Mayor Inday ang nangin bisita sa 18th Hinugyaw Festival kag 78th Foundation Anniversary sang Koronadal City.
