Nagpaguwa si Davao-based journalist Ben Jason Tesiorna sang digital copy sang iya notarized affidavit sang Pebrero 26, 2026, bilang pagdumili sa gin-usar nga CCTV footage ni ICC Prosecutor Julian Nicholls sa una nga adlaw sang confirmation of charges hearing ni anay Presidente Rodrigo Roa Duterte.
Ginkumpirmar ni Tesiorna sa iya affidavit nga siya ang nagkuha kag nag-record sang video sang Disyembre 19, 2013, sa media showcase sang bag-o nga CCTV system sang Central 911 sa Davao City.
Ginpaklaro niya nga indi naka-subtitles ang video sang una ini nga gin-record kag ginpanginwala ang bisan ano nga kaangot sa gina-alegar nga “tampered kag spliced” footage nga ginpasulod sa ICC, nga nagtuga sang gina-alegar nga peligro sang iya pamilya kag reputasyon.
Suno kay Tesiorna, ginapakita lamang sa video ang kapasidad sang CCTV kag indi ini nagatumod sa extra-judicial killings ukon crimes against humanity.
Gindugang pa niya nga ginbaliskad sang Prosecutor ang kamatuoran pinaagi sa alegasyon nga wala may ginhimo nga tikang si Duterte agud sulosyunan ang insidente.
Ginhingyo ni Tesiorna sa ICC Pre-Trial Chamber I nga manduan ang Prosecutor nga magpaguwa sang public apology kag kakason ang video halin sa court records antes matapos ang hearing sa Pebrero 27.
