KORONADAL CITY- Ginpaidalom sa Commission on Elections (COMELEC) control ang Datu Piang, Maguindanao kag pipila pa ka lugar sa Maguindanao, bangud naman sa pipila ka mga rason.
Ini ang ginpahayag ni Colonel Oriel Pangcog, the Commander of 601st Infantry Brigade, sa interbyu sang Bombo Radyo Koronadal.
Suno sa iya, ginkakibot man nila nga nalakip ang Datu Piang sa Comelec Control, bangud nahibaluan nga daw kulukasubong nangin malinong naman ang ini nga lugar.
Ginpahayag sang opisyal nga ang ini nga nga lugar ang base sa joint recommendation sang Philippine National Police (PNP), Armed Forces of the Philippines (AFP) kag ni Bangsamoro Autonomous Region in Muslim Mindanao (BARMM) director Ray Sumalipao nga kung sa diin mahimo nga mapaidalom sa COMELEC control sa idalom sang masunod nga mga sirkumstansya:Una, may yara sang history sang intense rivalry sa mga pulitiko sa lugar.
Mahimo man mapaidalom sa COMELEC control ang isa ka lugar sa tion nga may yara sang insidente sang politically-motivated violence nga ginakaulamiran sang mga kandidato kag supporters; may kinagamo nga tuga sang private armed goups kag may seryoso nga armed threats nagikan sa violent goups.
Kag ginpahayag sang opisyal nga amo man ini ang natabo sang tinalikdan sa Datu Piang, apang sa karon mapasiguro na nila nga generally peaceful na ang nasambit nga lugar.
