Arestado na si Datu Adlaw kag ang iya asawa nga si Bae Lourdes Latraca Infante matapos sila madakpan sang mga otoridad sa Surigao City subong Pebrero 2025.
Nadakpan ang ila grupo nga Federal Tribal Government of the Philippines sa bisa sang warrant of arrest nga ginpagwa sang korte sa Surigao. Ang operasyon ginkasa sang Surigao City Police kag Criminal Investigation and Detection Group (CIDG) agud madakpan sila.
Nagapangatubang sila sang madamo nga kaso, upod na ang Usurpation of Authority, Large-Scale Human Trafficking, kag iban pa nga paglapas sa laye.
Isa sa mga kaso nga ginfile batok sa ila ang wala sang piyansa, nga bisan pa makabayad sila sa iban nga kaso, hindi gihapon sila makaguwa bangod sa non-bailable offense nga ila ginapangatubang.
Sa karon, yara na sa kustodiya sang kapulisan ang grupo samtang ginahulat ang masunod nga legal nga proseso.
Madumduman nga nag trending ang video ni Bae Lourdes Latraca Infante sang gin dakop si Datu Adlaw nga nagapamahog nga magbaha sang dugo sa ila lugar sa sulod sang 72 hours.
