KORONADAL CITY- Nagpalab-ot sang pakigsimpatiya si South Cotabato Governor Daisy Avance-Fuentes makaligad makumpirmar nga nagtaliwan na ang anay Provincial Veterinarian nga si Dr. Lorna Lamorena sa edad nga 59.
Sa ekslusibo nga interbyu sang Bombo Radyo Koronadal kay Gov. Fuentes, sakit sa kurason ang ginkapatay ni Dr. Lamorena kun sa diin nasapwan na lang ini nga wala sang kabuhi sa iya puluy-an sa Iloilo.
Nahibaluan nga natalana kun tani nga mag reassume sang nasambit nga posisyon sa Provincial Veterinary Office si Dr. Lamorena sa Pebrero 1, 2018.
Samtang suno naman kay South Cotabato Human Resource Officer Alex Basco, kilala si Dr. Lamorena bilang isa ka istrikto nga head of office nga focused sa trabaho.
Ginasubo naman sini ang nasambit nga balita kag nagpalab-ot sang pakigsimpatiya sa pamilya nga nabilin sang anay opisyal.
