Naaresto ng PNP ang dating diskontentadong miyembro ng NPA para sa kasong murder sa Purok Matulungin, Brgy Magsaysay, Polomolok, South Cotabato kahapon laman Agosto 13, 2024.
Kinilala ni Police Lieutenant Colonel Peter Pinalgan Jr., Officer in Charge ng Polomolok Municipal Police Station ang suspek na si alyas “Abu”, 31-anyos, may asawa , construction worker, dating miyembro ng DI-Nilong Group na residente ng Purok Maguindanao, Brgy Lumakil, Polomolok, South Cotabato.
Naging matagumpay ang pagkaka aresto sa suspek dahil sa pagtutulungan ng TF GENSAN 6ID, PA, at NICA 12 sa bisa ng warrant of arrest para sa kasong murder.
Samantala, patuloy naman ang pagsisikap at pagtutulungan ng buong puwersa ng kapulisan sa pagtugis sa mga may pananagutan sa batas para sa isang mapayapa at maunlad na Lungsod.
