Nag-release na sang iya official statement ang Director nga si Darryl Yap matapos nga nag-file sang 19 counts sang cyberlibel ang aktor nga si Vic Sotto batok.
Ini matapos nga nalakip ang ngalan ni Vic sa teaser video sang pelikula nga ‘Pepsi Paloma’ kon sa diin ginaalegar nga ginhimuslan niya ang anay aktres.
Suno sa director, gina-welcome niya ang gin-file nga kaso ni Vic kag ginpahayag nga magasabat sila gilayon kon mag-abot na ang reklamo sa ila nga kampo.
Pagpaathag pa ni Daryll nga nakabutang sa caption sang teaser sang pelikula nga gin-withdraw ang ginaalegar rape case nga gin-file ni Paloma batok kay Vic.
Samtang, temporaryo nga nag-issue naman ang Muntinlupa Regional Trial Court (RTC) Branch 205 sang writ of habeas data nga gin-file ni Vic.
Bangud sini, gindumilian si Darryl kag ang iya mga representatives sa pag-distribute sang promotional content para sa nasambit nga film.
Ginmanduan man sang RTC si Darryl nga magpakita sa korte para sa summary hearing sang petition para sa writ of habeas data sa Enero 15.
