Guilty ang filmmaker kag kontrobersyal nga direktor nga si Darryl Yap matapos ang reklamo nga cyberlibel nga ginpasaka sang kampo ni TV host Vic Sotto kaugnay sa teaser sang pelikula nga ‘The Rapist of Pepsi Paloma.’ Suno sa resolusyon nga ginpagwa sang Muntinlupa Regional Trial Court (RTC), nakitaan sang sapat nga basehan ang reklamo ni Sotto.
Apang isa lang ka count sang cyberlibel ang ginkatigan sang korte gikan sa 19 ka counts nga una nang ginpasaka sang TV host.
Gintukoy man sa dokumento nga nakitaan sang probable cause ang reklamo ni Sotto tungod kay direktang gin-mention ang iya ngalan sa teaser sang pelikula.
Madumduman nga sa teaser sang pelikula nga nagatampok kay Gina Alajar kag Rhed Bustamante, ginpamangkot sang karakter ni Gina si Rhed nga bilang Pepsi kung “ni-rape” ba siya ni “Vic Sotto,” nga gin-ako naman ni Pepsi nga “oo!” Kaangot sini, posible nga makulong si Darryl Yap tubtob sa anom (6) ka tuig.
Ginahingyo man sang korte nga magbayad si Yap sang P10,000 bilang danyos.
Samtang sang Enero 9, 2025, nagsampa si Vic Sotto sang 19 ka counts sang cyberlibel batok kay Yap. Sa subong, Wala pa sang reaksyon halin sa kampo ni Yap parte sa desisyon sang Muntinlupa RTC.
