Nagdako pa ang danyos nga ginbilin sang bagyong Kristine sa sektor sang agrikultura sa pungsod.
Sa bag-o nga datos nga ginapwa sang Department of Agriculture (DA), nagdangat sa P143.47 million ang balor sang danyos sa mga talamnan.
Dugang sini, apektado ang 4,798 nga mga mangunguma lag 3,358 ektarya sang agricultural areas sa Cordillera Administrative Region, Central Luzon, Mimaropa, Bicol Region, Western kag Eastern Visayas, kag Soccsksargen, nga nagresulta sa pagkadula sang 8,600 metric tons (MT).
Suno sa ahensya 8,265 MT lugi sa produksyon para sa palay (unhusked rice), 187 MT para sa high-value crops, 102 MT para sa mais, kag 46 MT para sa cassava.
Ginpahayag samg DA nga magahatag ini sang P531.72 milyo nga kantidad sang agricultural input halin sa mga field office sini para sa mga apektado nga rehiyon lag P1 bilyon pamaagi sa Quick Response Fund agud buligan ang mga apektado nga lugar.
Nakadawat man ang Agricultural Credit Policy Council’s Survival and Recovery Loan Program sang P500 milyon halin sa DA agud maka-loan ang mga mangunguma tubtob P25,000, nga pwede bayda sa sulod sang tatlo ka tuig nga wala sang interest.
