KORONADAL CITY – Naglab-ot na sa P50M ang damyos nga ginbilin sang pagkasunog sang Public Market sa siyudad sang Koronadal.
Ini ang base sa ginpatigayon nga assessment sang Bureau of Fire Protection (BFP) Koronadal kun diin yara sa 336 ka mga stalls ang naabo ukon halos 50 porsiyento sang public market.
Gilayon naman nga nagpatigayon sang emergency meeting ang LGU-Koronadal sa pagpanguna ni Mayor Peter Miguel kun diian gintalakay ang paghatag sang gilayon nga bulig sa mga apektado.
Kaangot sini, natalana nga maghatag sang bulig ang LGU Koronadal sa mga apektado nga vendors uno sa rekomendasyon sang City Disaster Risk Reduction and Management Council (CDRRMC).
Mangin ang DSWD-12 ang magahatag man sang bulig sa mga apektado nga negosyante.
Madumduman nga 2 ang pilason sa nagluntad nga sunog kagab-i nga nagsugod pasado alas-9 kag na-fired out pasado alas 3 na sang kaagahon.
Sa subong, ginmandu na ang pagrelocate sang mga apektado nga vendors sa sattelite market aggud nga mapadayon nila ang ila pangabuhian.
