KORONADAL CITY – Nagapadayon sa subong nga mga tinion ang clearing operations sa pila ka mga mayor nga dalanon sa apektado nga lugar sa Geramany labi na sa Rheinland-Pfalz, Land (state) nga makita sa southwestern Germany bangud sa nagluntad nga malapnagon nga pagbaha.
Ini ang gintagaan sang punto ni Eleonor Carreon Lanfermann, Bombo International Correspondent sa Germany kag 34 na ka tuig nga naga tiner sa amu nga pungsod kag tumandok sang Koronadal City.
Suno sa iya, indi pa makabig nga 50% ang na balik nga nagkaraguba nga edipisyo sa pila ka syudad sa Germany, kag magalab-ot pa sa pila ka bulan antes mabalik sa dati ang katahum sang lugar.
Dugang pa sini may ara man sang napagkit nga balay-bululngan nga nadalasa sang baha kag apektado ang mga pasyente sa amu nga edipisyo.
Nagsaka naman ang numero sang nagkalamatay sa amu nga panghitabo sa halos 170 ka tao.
Natalana naman nga magpanagtag sang bulig ang German Gov’t sa mga apektado nga mga residente kag nakabisita naman sa apektado nga luga ang Chancellor sang Germany nga si Angela Merkel para personal nga makita ang sitwasyon sang mga residente.
Dugang pa sini, naglala ang pagbaha bangod wala nakapangandam ang mga residente sa lugar sa manug abot nga insedente bangud kaagahon pa sang nagluntad ang pagbaha.
