KORONADAL CITY- Nagapadayon pa ang damage assessment sang MDRRMO Surallah sa natabo nga pagka-crack sang pipila man ka mga classrooms nga tuga man sang mabaskog nga ulan sa Kiantay Elementary School.
Ini ang nangin kabahin sang pahayag ni Sir Leonardo Ballon, MDRRMO-Surallah sa interbyu sang Bombo Radyo Koronadal.
Suno sa iya, nga ginahulat sang Kiantay Elementary School ang final assessment sang Surallah Engineering Office ang kabug-usan nga danyos sa eskwelahan nga tuga naman sang pag crack sang lupa kag mangin man sang mga pipila ka mga classrooms sa nasambit nga eskwelahan.
Dugang pa sini, nga may yara na nga daan ini man nga pagka crack sang lupa dati pa, apang nagdako na lamang ini bangud nga sa tuga man sang mabaskog nga pag-ulan-ulan kada adlaw, nga kung sa diin ang nasambit nga area ang foundation sang amo sini nga lugar indi manami amo nga ang kalupaan diri nagaka-usmo.
Pinaagi man sa ila nga team subong nga adlaw, magahiwat sila sang mga tikang agud nga ma tsekyar man ang areas agud ma pasigurado kag makit-an ang mga area kung sa diin pa ang may yara nga damage, magapalupad man ini sang drone agud nga makit-an ang lugar sang insakto kay basi indi lamang diri ang area nga may yara nga mga cracks kundi agud man makita man nila ang kabilugan man nga area sang nasambit man nga panghilitabo.
