KORONADAL CITY – Wala na sang kabuhi ang isa ka 15-anyos nga dalagita sang masapwan ini sa suba sa Purok 3B, Barangay Sumbac, Kidapawan City.
Ginkilala ang biktima nga si alias Dawn nga residente man sang nasambit nga lugar.
Suno sa mga otoridad, wasak ang ulo kag halos indi na makilala ang biktima sang masapwan ini sang mga otoridad kag ginapatihan ginlugos anay antes nga ginpatay.
Ang ginatudlo nga suspek isa ka BPAT member nga ginkilala nga si Eric Lim nga residente man sang lugar kun diin ang suspek man mismo ang nagtudlo sang patay nga lawas sang biktima sa suba.
Sa ulihi ini ang naghana pa nga magpalagyo apang gindakop sang mga otoridad kag didto napamatud-an nga ini ang may kahimuan sa pagpatay sa biktima
Suno naman sa SOCO nga ginlampusan sang bato ang biktima nga amo ang gintunaan sang pagkamatay sini.
Nahibaluan nga samtang nakaposas ang suspek agud nga dal-on sa Police station, hinali ini nga nang-agaw sang armas kag nagbato sa kapulisan.
