KORONADAL CITY – Nagapabilin sa presuhan ang 23-anyos nga suspek sa pagpanglugos-patay sa isa ka dalagita sa banwa sang Upi, Maguindanao matapos nga maaresto sang mga otoridad.
Ini ang ginkumpirmar ni South Upi WCPD in-charge PO2 Rahima Diokolano.
SUno kay Diokolano, ginpasakaan naman sang kaso ngarape with murder in relation to RA 7610 ang suspek.
Nagpamalibad naman nga pangalanan ni Diokolano ang biktima kag suspek sa krimen.
Ginpahayag ni Diokolano nga wala sang kabuhi na sang masapwan ang biktima sa irrigation canal sa Barangay Bungo, South Upi, Maguindanao.
Naguwa man sa imbestigasyon sang kapulisan nga ginkulata pa ang biktima nga ginapatihan ginlugos anay antes nga ginpatya.
Nahibaluan nga ginsugo sang iya iloy ang biktima nga magbakal sang bugas sa merkado apang wala na ini makapauli pa.
Gilayon naman nga nadakpan ang suspect nga residente man sang nasambit nga lugar.
Gin-ako man sang suspek nga siya ang responsible sa krimen.
Nahibaluan nga nagpangaluyag anay sa biktima ang suspek apang ginbasted ini sang biktima.
