KORONADAL CITY- Ginpamatud-an sang isa ka dalaga nga may tuman nga eksperyensya nga indi sarang mabalabagan sang anuman nga pagtilaw ang handum sini nga mangin isa ka manunudlo.
Nahibaluan nga ginadayaw sang kadamuan ang kaisog kag pagpursige ni Ellen Vida Santos, 20 anyos halin sa banwa sang Pres. Quirino Sultan
Kudarat makaligad ini nga malakip sa mga nakapasar sa Licensure Examination for Teachers nga ginpagwa subong nga bulan sang Nobyembre.
Bag-o tigayon nga nangin lisensyado nga manunudlo si Ellen, delubyo anay ang iya gin-agyan bangud nagpaidalom ini sa operasyon sa iya nga ulo kag nacomatose sang 10 ka adlaw, na confine sa balay bululngan sang masobra 1 ka bulan makaligad maulamid sa isa ka aksidente.
Sa pagpati ni Ellen, maga-untat na ang iya nga kabuhi kag tigayon nga madulaan sang paglaum apang ginpamatud-an sini nga indi balabag ang anuman nga problema agud nga lab-uton sini an iya nga handum nga mangin isa ka manunudlo kun sa diin masobra isa ka bulan sang madischarge sa ospital gilayon ini nga nagpaidalom sa eksaminasyon apisar wala sang review.
Dugang pa nga ginpasa diyos ni Ellen ang tanan kun sa diin makaligad mahibaluan nga nakapasar ini sa LET tuman ang hilibion sang dalaga nga halos indi makapati nga nahimo sini nga mapasaran ang eksaminasyon sa pihak sang mabudlay sini nga sitwasyon kun sa diin tuman ang kalipay sini bangud maga-umpisa pa lang ang paglab-ot sini sa madamo sini nga handum sa kabuhi.
