Nagapabilin nga wala sang nobyo ang isa ka babaye bangud sang iya sini nga kataasun.
Ang babaye gin-kilala kay Xiao Mai, 25-anyos, taga Heilongjiang province sa China nga may kataason nga 7’4” ukon 2.26 meters.
Ang kataason ni Xioa nangin problema naman sini sa siya pagkabuhi, kapareho sang nagalapaw nga mga tiil sa kama, gasunggo nga tuhod sa lamesa kag kung kaisa sa pagsakay sa mga bus, naga pungko na lamang ini sa likod sang salakyan agud indi pag tinulukon sang mga tawo.
![](https://img.bomboradyo.com/koronadal/2024/07/Xiao-Mai.jpg)
Bangud sini nangin mahuluy-on ang dalaga, nagalikaw sa mga tawo kag masami nga naga isahanon.
Nangin “no boyfriend since birth” man si Xiao bangud mas mataas ini sa mga lalaki nga nagapalapit sa iya.
Naghimu naman sang pamaagi ang iya iloy sini pinaagi sa pag-upload sang mga laragway sang iya bata sa social media lakip ang video nga ginapang ubra sa adlaw-adlaw ni Xiao sa paglaom nga makakita gid ang iya “tall and pretty girl” sang nobyo.
Ang pag trending naman sang dalaga kag atensyon nga nakuha sa social media ang naghatag sang kompyansa sa iya kag na tun-an nga palanggaon pa sini ang iya kaugalingon.
Sa karun madamu na nga mga lalaki ang nagapabatyag sang ila pag ka gusto kag intension sa dalaga kag posibli indi na mangin NBSB.