KORONADAL CITY– Nagtililipon ang nilibo ka mga pamilya nga Muslim sa probinsya sang South Cotabato sa nagapadayon nga selebrasyon sang Eid Al Adha ukon Feast of Sacrifice nga isa sa mga dako nga religious celebration sa Islam.
Sa ekslusibo nga interbyu sang Bombo Radyo Koronadal kay South Cotabato Muslim Affairs Chief Sultan Mutalib Sambuto, luwas sa pagpatigayon sang Sambayang ukon pagpangamuyo, ginahatagan importansya man ang paghatag sang tion sa pagbulig sa mga nagapanginahanglan kun sa diin ang pila sa mga Muslim nga sa baylo magapatigayon sang selebrasyon ang ginpa-in ang kwarta para sa pagbakal sang panginahanglanon sang mga pigado kag may balatian.
Sa pihak nga bahin, dako kag engrande nga selebrasyon ang nagahulat sa paggbalik sang pila ka mga South Cotabateños nga Muslim nga nagpadulong sa Saudi Arabia agud makigbahin sa Hajj Pilgrimage kun sa diin sa tion nga madinalag-on sila nga makahalok sa Kaaba nga ginakabig nga most sacred site sa Islam, pagatawgon na sila nga mga Haji.
Nahibaluan nga ang pagpadulong sa Mecca ang isa mga five pillars of Islam.
