Dako nga pagtililipon sang mga muslim lauman na sa selebrasyon sang Eid’l Adha

KORONADAL CITY-Lauman na ang dako nga pagtililipon sang mga muslim community sa probinsya sang South Cotabato sa Setyembre uno kadungan sa pag-obserbar sang Eid’l Adha okun feast of sacrifice sang mga muslim.

Ini ang ginpahayag ni South Cotabato Muslim Affairs Chief Sultan Mutalib Sambuto sa eksklusibo nga interbyu sang Bombo Radyo Koronadal.

Suno kay Sambuto, may yara sang ipatigayon nga sambayang kag pagasundan sang kanduli.

Lauman naman suno pa ang madamo nga handa bangud ini ang ila na nakaandan.

Kaangot sini, gin awhag sang opsiyal ang tanan nga mga muslim nga makigbahin sa isa sa mga importante nga selebrasyon sang mga muslim kag maghiliusa.