Nagpanindugan ang spokesperson sang PCG sa West Philippine Sea nga si Commodore Jay Tarriela nga dako kag may katungod ang Pilipinas sa West Philippine Sea nga dapat man mahibaluan kag hatagan sang ligwa sang kada Pilipino.
Sa ekslusibo nga interview sang Bombo Radyo Koronadal sa opisyal, naga kadapat nga makita sang mga kada Pilipino ang importansiya sang ihibalo angot sa mga gina-agawan nga mga teritoryo nga sakop sang Pilipinas apang dako sa gihapon sa subong nga pagpanghangkat sa mga Pilipino nga tipigan kag dampigan ang interest sang pungsod sa gina-agawan nga teritoryo bangud madamo sa gihapon ang wala sang interest nga mga pilipino bangud man malayo sa ila ini nga lugar kag wala sang direkta sa ila nga epekto.
Suno pa sa opisyal, mas manami nga manginlaman ang tanan bangud interest sang Pilipinas ang gina istoryahan sa nasambit nga issue.
Madumduman nga liwat nga nag-init ang diskusyon sang issue sang WPS bangud sa mga pahayag nga ginpaguwa ni Sen. Rodante Marcoleta nga e surrender ang Kalayaan Island Group (KIG) bangud sang tensyon sa China.
Apang suno kay AFP spokesperson para sa West Philippine Sea, Rear Admiral Roy Vincent Trinidad, mandato sang AFP ang seguridad sa pungsod.
Kabahin sang mga teritoryo nga gina proteheran sang AFP ang Kalayaan Island Group kag ang Bajo de Masinloc, nga ginapang-angkon man sang iban nga mga pungsod.
