-- ADVERTISEMENT --
Preparado na ang Department of Agriculture (DA) ang pagpadayon liwat sang rice importation.
Ini bangud malapit na matapos ang rice import ban nga nagumpisa sang Setyembre kag magatapos sa katapusan sang tuig 2025.
Suno kay DA Assistant Secretary Arnel de Mesa, may kasugtanan na sila upod sa mga rice importers nga limitahan ang imports tubtob sa 300,000 metric tons sang bugas tubtob Pebrero.
Agud masolusyunan ang problema sa port congestion sa Manila, tugutan ang pagpasulod sang rice imports agi sa pila ka pantalan pareho sang sa Bataan kag Poro Point sa La Union.
Ginapaabot nga maga-abot ang rice imports sa Pebrero 28 kag indi ini makaapekto sa tion sang pag harvest.
