Nagapanawagan ang Department of Agriculture (DA) nga palawigon pa sang 60 ka adlaw ang implementasyon sang P50 kada kilo nga price cap sa imported nga bugas.
Madumduman nga ginpatuman ang price cap paagi sa Executive Order No. 118, nga gin-aprubahan ni President Ferdinand “Bongbong” Marcos Jr. sang Mayo 13, 2026, agud mapanubo ang presyo sang imported nga bugas sa merkado.
Natapos ang implementasyon sang price cap sang nagligad nga bulan, gani nagarekomendar subong ang DA nga ipadayon pa ini sa mas malawig nga tion.
Suno sa ahensya, kinahanglan ang pagpalawig sang polisiya agud maproteheran ang mga konsumidor batok sa posible nga hinali nga pagsaka sang presyo sang bugas kag mapabilin nga estable ang retail prices samtang limitado pa ang lokal nga suplay.
