Palapadon sang Department of Agriculture (DA) ang P20 kada kilo nga bugas program sa mga minimum wage earners umpisa sa masunod nga bulan.
Ini ang ginkumpirmar ni Agriculture Assistant Secretary Arnel De Mesa nga nagkasugot suno pa “in principle” sanday Agriculture Secretary Francisco Tiu Laurel kag Labor Secretary Bienvenido Laguesma nga palapadon ang sakop sang programa sa mga minimum wage earners.
Ginpahayag niya nga may igo nga suplay sang bugas nga mahimo makahatag sang 1.2 milyones ka kilo para sa mga minimum wage earners.
Gamiton sang Department of Labor and Employment (DOLE) ang ila kapasidad sa pag-identify sang mga benepisyaryo, kag magabulig man sila sa koordinasyon kag logistics para sa mas madasig nga distribusyon sang barato nga bugas sa mga benepisyaryo sa bug-os nga pungsod.
