Ginpasiguro sang Department of Agriculture (DA) nga wala sing kakulangan sa supply sang mga produkto nga manok sa mga ngapanguna nga balaklan bisan pa nga ginpatuman ang import ban sa mga manok halin sa Brazil.
Suno sa Department of Agriculture, ginhimo ang import ban bangud sa natala nga kaso sang Highly Pathogenic Avian Influenza (HPAI) ukon bird flu sa bahin sang Montenegro, Rio Grande do Sul sa Brazil.
Suno kay Agriculture Secretary Francisco Tiu Laurel Jr., indi lamang ang Brazil ang nagasupply sang manok sa Pilipinas kag may ara pa nga mga alternatibo nga pamaagi sa pagkuha sang manok halin sa iban nga mga pungsod.
Bisan pa sini, ginpahayag niya nga mahimo nga magka-eksperyensya sa merkado sang isa ka ‘brief supply gap’ nga magadugay lang sang isa tubtob duha ka semana, tungod kay sa subong maayo man ang kondisyon sang poultry industry sa Pilipinas.
