KORONADAL CITY- Gina-engganyo sang Department of Agriculture (DA) ang local government units (LGUs) nga mag-invest ukon mag-allocate sang dugang nga pondo sa agricultural projects agud nga mabuligan ang pungsod nga malab-ot ang food security.
Ini ang ginpahayag ni Mr. Zaldy Boloron-Chief of Operation Division-DA Region 12 sa interbyu sang Bombo Radyo Koronadal.
Suno sa opisyal, kinahanglan nga pondohan ang crop producing, pagtanum sang humay, mais, livestock, kag fishery.
Kinahanglan man suno sa iya nga tutukan sang mga lokal nga kandidato ang issue sa food security.
Sa pihak sini, ginpasigurado naman sang natungdan nga nagapadayon na ang pagpanagtag sang P3,000 nga fuel subsidy sa mga mangunguma kag manugpangisda.
Ang pondo sang amo nga ayuda ang naghalin sa 2022 budget sang Department of Agriculture nga nagabalor sang P500 million.
Ang second tranche sang tagtaganay sini ang suguran sa Abril.
